Numei chu…

Numei chu hethem din kisaboi hih in, hetthem joulou thilsem kidang, hoi leh deium ahi e. Pasal na hi leh lungset chop jeng in, nang akona chutobang chang dinga kisem ahi!

Na khohsah val ding na tijat em? Nangin na gelkhoh bang banga ama’n na hin gelkhoh khah lou ding ti a? Pasal in a lungset theina dinga a hinkho kehkhat jong phaldoh ngam ahi uve. Chuleh, hiche hi na hetlou maithei ahi, numei chu pasal sanga ngol jo ahi uvin, a hinkho pumpi nang dinga a phaldoh ngam ding ahi 🙂

Seipha jing hih in, na hin tahsan lou pai ding ahi. Seise jing hih in, na hin muda pai ding ahi. Noise bol patep in, na hin ngaidam louhel ding ahi. Chujeh chun na lungthim sunggil akonin lungset chop jeng in, a hin lungset lou theilou ding ahi.

Numei na lungset dinga ahileh hiche hi he jing jeng in – ngaidamna pang lou lungsetna aum ngai pon, chubang chun lungsetna pang lou ngaidamna a um thei poi. Bolkhel nei thei ahi uve, mihem ahi jeh uvin!

Hiche jong hi he in, thu na hin seipeh a ahileh a awso bouseh hi louvin a mit-ha akona a thusei ngai dan jong them in. Chuteng a sei got tah tah chu na muchen joh ding ahi.

Hiche hi nangma hinkho akonin hil in – kinaina um louvin kilungkhatna lhou aum thei pon. Kijatona um louvin kilungsetna kineppi ding ahi poi. Kitahsantona a umlou leh makho ding gelna a kisahboi phachom deh pon te.

Hiche thil ni jong hi he in: Khatna, na kibahna lhon mudoh ding go in lang; nina, nang sanga a danglamna hetdoh ding go in. Chuteng chulai tah chu ngailut peh in!

A khut na tuhpeh teng a lungchang ga tongkha hen!

Numei chu na chenna in tabangin gel in. Na ina na electric bulb det a set teng na in chu na khel ngai pon, bulb joh na khel ji e. Numei chu na lungset leh, bulb ahi poi ti haimil lou jen in!

Pasal dihtah chun numei lungthim a suna ngai poi! Nangma jeha numei a ka khah leh chingthei in, ajeh chu Pathenin a mitlhi valha mal khat jeng jong a simpeh e ti he tem in.

Pasal nahgu akona hung kiladoh ahi in, na kengto vun akona kisem, nop phat phat leh chotbeh dinga kisem ahi poi. Na panga beh ding leh nangma kibahpi mihem hi dinga na ban thahat tah nuoi chet akona kiladoh ahi. Na hatnaa veng bit ding a!

Heng e, Numei chu Pathenin na lungthim kom cha akona a lahdoh ahi, ngailu taha na vetkol ding a!

11060265_717127991732207_3003998206662507334_n

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

Create a website or blog at WordPress.com

Up ↑

%d bloggers like this: