JADUNONG HINKHOA THILSOH KIDANG

1959805_720776421332516_7715722614109112692_n

Jadunong kitipa hi Zeliang Nagaho ahin, Manipur leh Assam gamgi vela ana cheng ahi. Hiche phat lai hi Christian hung lut til 1910 – 20 lai phat chu ana hi e. Jadunong nam mite ho jong hi eiho banga thingbul suongbul (animists) hou te ana hiuve. Tuni chan in jong hitobang hou ho hi gam khat khat ah aum nalai in ahi. Chutobang Nagaho kho neocha khat a Haosapu chapa chu Jadunong hi ahi. Jadunong pa hi Kho Haosa mai seh hilouvin doithiam tah a kisei minthang khat jong ana hi in, thil boltheina jat jat jong ana nei dan in akisei e. Chutobang haosa cha khat, nuomsa tah a adu du ne le don a aum lai chun a hinkho ah thil kidang tah khat ana lhung in ahi. Continue reading “JADUNONG HINKHOA THILSOH KIDANG”

Advertisements

NGAITO TEM IN…

Khat vei chu tehsepu khat hin rel station ah rel nga pum in newspaper asim in, khutdo chapang kum 9 mi bep hin, “Hepu, lungset in paisa nei pe’n. Tuni nilhum in imacha ka ne pon, ka gilkel lheh tai” tiin paisa athum e. Tehsepu chun phatah in agah ve’n, a kivonna akon chun a khoto lheh in; a sakhao sunga nehthei um chu a ladoh in chapang chu ape e.

10409188_794777530599071_3158340904521240136_n

Continue reading “NGAITO TEM IN…”

THINA TAI LOUVIN EI KHEN DA LHON HEN!!

Ka office kikhen chu nidang bang bangin ka kile gei lheh in, ka jinu chun anneh ding siemsa in eina koipeh e. An jong tam neh louvin ka jinu khut chu ka tuh in, ama chun thip chetin an chu a ne a ne e. A mit-ha akon chun a lungthim noplou dan chu ka hethem pai ngal e. Gah sei pat ding dan chu hahsa ka sah lheh in, hijongleh seipeh chula ka nom lheh kit in… “Kikhen ta hi te, kikhen ding ka nom tai…” ka moh ti jeng tai. Chutia ka sei jeng chu phamo sah lheh jongleng seidoh ka nop ahi. Ama chu thipchet in a tou in, a mel chu lunghan mel jong a pu chuom poi. Chomkhat jou chun kap tobang thim hin, “Ipi jehin em?” ati in. Kei chun donbut chuom lou chun ka kihetmo sah kit in, an chu ka ne kit tai. Hichun a ding doh in, pindan lama chun ei dalha pai tai. Hiche jan chun khatvei jong ka kihou kit lhon ta poi. Continue reading “THINA TAI LOUVIN EI KHEN DA LHON HEN!!”

KA CHAPA, TUN NA HUNG THEI TAI

15894892_1048296078615395_3497086338126677372_n

Kum 1872 chu ahi in. Jan dah 9 pel nungle chun Epworth khosung chu ju thip va thipin a thip mang ji tan. Koima cha kholai vahdoh ngam aum ji ta pon, uihang jeng jong chu vadoh ding a kiphatlam leo ji tai. Hitobanga a umna hi lha ni masang apat chu ahi tai.

Hiche khosunga hin a phat laia miphalou gimnei minthanga kisei, kisel them leh ching kei kit, Goog kitipa chun jansot nung leh a natoh a pat ji ahi. Lha ni sung bepin mi 5 jen a that man in, numei 3 a suse in, chat thei louvin a koi in, mi haosaho jong a chom jin ahi. Hitichun, Epworth kho pumpi chu kichatna leh tijatna’n a luo dim tai.

Continue reading “KA CHAPA, TUN NA HUNG THEI TAI”

NGAILUTNA HEPHA LOU

(Thusim chom)

A pa damlai chun hahsa lheh jongleh a khosah dan u chu a pha dom mai mai in. Hinlah, tun vang a nuin kholai theh thenga paisa a lo leh a tuo phah phah tonga a lodoh chu a kivahna pen u ahi tai. Chutia a nu ha pan jal chun a chanu nei sun chu hahsa pum pumin lekha a sim sah thei ham ham in. Tun vang company len tah khatah na a tong tan, a loi a guol khat toh kibang bangin a kigel tai. A chanu’n sum sang ta nama jong leh a nu chu mi pontho tah ahi jehin a natoh, kholai theh theng leh toh thei thei a toh ji ho chu hai chuom louvin a tong jom jing peh in ahi. Continue reading “NGAILUTNA HEPHA LOU”

PAHCHA NUKHAH PEN

May lha kichai lam ahin, ka kholai uva inn se thim tah khat chu tehsepi leh numei chapang, kei sanga chapang jep khat chun ahung luo lhon e. Kumkim lang hita jongleh, ahung kilhoh lut ni lhona pata kal khat jou chun, chuche numei chapang Chichin chu ka school uva keiho pawl(class) a chun ahung kai pan tan. Anung penah ama changin a tou jin ahi.

11265090_689478837830456_4960132041748719160_n

Continue reading “PAHCHA NUKHAH PEN”

THU LEH ATAH : KA LE HAGELNA LAMPI

“Tujan vang hung len da mai ta’nge, ka bike ka siemsah e” ka ti jong chun, “Auto in hung jeng o!” ati jeh chun auto ka la in, Salbung lam jonin ka lhai jel jel tai. Angaina bangin ka leng sot kit lheh tan, i deiho koma um vang chu pung jong hi a kipei gang chuom lheh jin, ache hilouvin alhai a lhai tho abang in, het manlou kah chun jankim dah 12 ana ging kigo tai. Continue reading “THU LEH ATAH : KA LE HAGELNA LAMPI”

Create a website or blog at WordPress.com

Up ↑

%d bloggers like this: