THINA TAI LOUVIN EI KHEN DA LHON HEN!!

Ka office kikhen chu nidang bang bangin ka kile gei lheh in, ka jinu chun anneh ding siemsa in eina koipeh e. An jong tam neh louvin ka jinu khut chu ka tuh in, ama chun thip chetin an chu a ne a ne e. A mit-ha akon chun a lungthim noplou dan chu ka hethem pai ngal e. Gah sei pat ding dan chu hahsa ka sah lheh in, hijongleh seipeh chula ka nom lheh kit in… “Kikhen ta hi te, kikhen ding ka nom tai…” ka moh ti jeng tai. Chutia ka sei jeng chu phamo sah lheh jongleng seidoh ka nop ahi. Ama chu thipchet in a tou in, a mel chu lunghan mel jong a pu chuom poi. Chomkhat jou chun kap tobang thim hin, “Ipi jehin em?” ati in. Kei chun donbut chuom lou chun ka kihetmo sah kit in, an chu ka ne kit tai. Hichun a ding doh in, pindan lama chun ei dalha pai tai. Hiche jan chun khatvei jong ka kihou kit lhon ta poi. Continue reading “THINA TAI LOUVIN EI KHEN DA LHON HEN!!”

THU LEH ATAH : KA LE HAGELNA LAMPI

“Tujan vang hung len da mai ta’nge, ka bike ka siemsah e” ka ti jong chun, “Auto in hung jeng o!” ati jeh chun auto ka la in, Salbung lam jonin ka lhai jel jel tai. Angaina bangin ka leng sot kit lheh tan, i deiho koma um vang chu pung jong hi a kipei gang chuom lheh jin, ache hilouvin alhai a lhai tho abang in, het manlou kah chun jankim dah 12 ana ging kigo tai. Continue reading “THU LEH ATAH : KA LE HAGELNA LAMPI”

KINEPNA SMS… :)

11705101_712186485559691_927050890783919455_n

Nungah leh gollhang hi aum in, gollhangpa chun nungahnu chu a dei lheh vang chun imacha chula a sei ngam poi. Jankhat hi kihambol taha message thot ding a gel tan.
“Hi… Ka deije hi na hetlou maithei ahin, hijongleh ka dei mong mong na he ti hi eina het peh o! Jachat lam jong he louva ka lungsetna thu ka hin sei jeng ahe. Lungsetin na lunggel nei hin seipeh tang o! Ka dei e… “ tiin a message tai. Continue reading “KINEPNA SMS… :)”

NA JINU DING CHU…

1.Jing thou ma ji em?
2.Kisuhtheng pontho em? A sam leh khut tin ve in.
3.A neh leh don jou toh lhona ding doh em? A siltheng pai em?
4.A kuong le khon ho theng sil sel em?
5.A ina phatvet/limlang ho theng set em?
6.A kuong silna mun leh toilet ven lang, a invel ho ve tem in.
7.A insung uva maimom pan kai um em?
8.‘Henge’ tia kipatdoh pai ho ham, ‘ol leh’ tia tou den mi ham?
9.An hon thiem leh thanom mi ham, a tui tui bouseh du mi?
10.Mi chungchang thu sei nom mi ham, thupha ngai nom mi?
11.Natoh laiya kithopi ding hol tei mi ham, achang a tong chai thei mi?
12.Von thah thah leh make-up ngailu mi tah hi em?
13.Nu le pa jathiem leh donbut jot jot lou mi hi nam?
14.Kisiem nal jing thei, ahivanga a lhonglai nen deh duh mi ham?
15.Mi kipah thei leh lunglhai jing mi ham ole phunse mi?
16.A nu itobang mi ham, anu a kilo em?
17.Kikhop gelkhoh mi ham ole love song bouseh ngai jing mi?
18.Miin a kou teng kiheh le le em, thoudoh pai ji em?
19.Dam thei em, vei se em?
20.Mi pontho ahileh a keng kai in tin, a kengto tat mat dah dah pon te.

Hahaha  

KOPPI PHA!

Nangma jehin na koppi(dongma/ji) chun vanmi hinkho a nei thei in; Nangma jeh mama chun na koppi chun tonsot damun lampi a jot lo thei kit e.

Nangma jehin na koppi chun hi leiset a hin hinkho nuom tah a mang thei in; Nangma jeh mama chun na koppi chun dam jing ding jong lhalel ta louvin lungkhamin hinkho a mang thei kit e.

Koima chamkim a um poi, hijongleh siempa Pathen deilam hia na het banga na hin ham ham chun, Pathenin a siem mama na loinu/loipa mitmu a jong chamkim banga na kilah ding ahi; Pathenin a chate phatna din vai a hom jingin, siemtoh a ngai phat jongleh a siemtoh jin ahi.

Na koppi dinga na jalenna na pehdoh tam chana ama akona ngailutna jong na ngaichat dungjuiya na mu jing di ahi.

‘Kichenna thutep’ tuh chah jing chu nupa dinga kitemho mopohna ahin, a kithopi dinga a inkote leh a loi le golho um ahi.

“Aw Pakai, ka koppi dia mi pha, deium leh manlu ka hi theina din nei kithopi in…” na ti jing thei angai e. Chutobang mi hi thei cheh din deisahna sangpen ka hin lhan e!!

Create a website or blog at WordPress.com

Up ↑

%d bloggers like this: