THADOU-KUKI PAOVA THU JIHDAN

Pao kiti hi leiset mihemte dia poimo tah ahi ti chu kinelna bei ahi! Nam tin hin eima eima pao i nei cheh uvin, nam ching leh khangtou jousen a nam pao a ngailu in, a gelkhoh in, a ja thiem e. Linguist or linguistic expert vang ka hi deh pon, hijongleh, English medium school hung kaia High school hin chai thei khat chun grammar i hin sim soh kei diu ahin, hichu iti manchah thei ham ti leh ei paova thu jihdan themkhat ana ve u te.

Continue reading “THADOU-KUKI PAOVA THU JIHDAN”

Advertisements

CHEMTATPA LEH KAIKUONG

16507930_1076229792488690_1787760798014600476_nChemtatpa thusim hi i het cheh diu ginchat a um in, hin vel sei da mai tang ka tin; hijongleh, hiche thusima hin thu kiselguh gil tah tah aum in, chu ho chu themkhat ana sut khom ute

Chemtatpa min tah hi Chemtatpa ahi poi! A thusim akon hin ama hi mipa lhingset, a ji le chate kingaina leh kihinsona, mi pontho tah hi tei din ginchat aum e. A pen til chun a pi le pute’n min ngei tah khat jong ana sah uvin, hinlah, vangphatum tah ti ding hamin chuche min chu koiman a hepha ta poi. A thusim hung kipat dan hi, “Masanglai chun mipa khat hin vadungah chem a tat tat in.., chutia a chem tat akona hiche thusim hi hung kipan ahi jeha a min jong Chemtatpa thusim kiti ahi tai,” tina hi tei in te. Continue reading “CHEMTATPA LEH KAIKUONG”

NA PAO KIHET IN

Pao kiti hi leiset mihemte dinga nam khat leh chi khat i hi kihetna poimo pen ahi. Chon le khan, vun le vou chuleh adang dang jouse sangin jong ham le pao hin sopi khat i hina leh kinaina a sem jon ahi. Nam pilhing leh khangtou jousen ama ama pao a gelkhoh in, a ngaisang in, a ngailu e. Eiho laha lekhathem leh pil mel tah tah, thujih chu sei lou, jemgop bailam leh themkhat ngaitona manga hetkhel lou beh ding ho jong hethem thei lou mi tam tah i um uve. Hiti ho them them hin ham le pao i khohsah lou dan u a phongdoh jin ahi.

Thadou-Kuki paova jemgop hetkhel jing themkhat :

TAO leh TAU
Tao kiti hi taona, thumna, Pathen koma tao ho hi ahi.
Tau hi ta-u tina ahi in, tauvin, taute, tauve, etc. tiin a kimang e.

NAO leh NAU
Nao hi naote, u le nao, naosen, etc. tina ahi.
Nau hi na-u tina ahi in, nauve, nauvin, naute tiin a kimang e.

CHE leh CHI
Che hi kal songa lam jot hi che chu ahi.
Chi hi anme laha kilhah chi, chi leh malcha, muchi chivo, chilhah tiin a kimang e. Kal sona lam jot hi ‘chi’ a kiti ngai poi.

PEH leh PIH
Peh hi mi khatin midang khat thil a bolpeh hi ahi in, seipeh, bolpeh, lahpeh, pehpeh, peh, etc. tiin a kimang e. Chuleh keng manga thil ham ball ham kipeh hi peh a kiti.
Pih hi loi leh bongin a ki manga a ta khu pih a kiti e. Koima’n mi thil a bolpeh pumin a ‘pih’ ngai poi.

Vo! Gollhangho

Smart phone hoi tah choi puma,
Balance thunna ding nei lou na hi khah em?
Film star ho min sei lha jeng jung thei pumin,
Na houbung lamkaiho min helou kha’n na te!
Thil poimo louva chun, kipasalsah tahin na phone chu kipoh thim ngamin lang;
Na kivonna leh na thil nei sang tah tahho chu,
A manna ding phat leh mun dol taha na man lou leh,
Miin mingol leh michavai mit-a na mu thei ahi ti hi,
Hoilai thuchihbuah kijih hih jongleh, sumil lou jen in!
Continue reading “Vo! Gollhangho”

Aw Gollhang!

Aw, Gollhang!

Kengkoh mantam tah tah se-a toka jum pit pet chenga bilba na hin kiba kit ji vang chu, kei Lanu samsao hin a gelin ka gel thei poi ti na’n seipeh tem inge.

Na sam kitung lit let leh iti ti hama na kitunsah chu, jou vakhu hon buh a kise lou u hinam? Cheho sang chun, eima nei kham kham theng sit seta kivona, sam jong ahi ding bep-a kivo a Pathenni leh Bible le labu jah kaha jep puma houin lam jon ho hi nang sangin ka chate pa adin ka dei jo e ti ana he mai mai tem in.

Tohdoh ima la na nei kit pon, lou natoh chulah ka jahcha e ka i e na ti kit in. Nilhum lhuma mi hotela touva lampia hung nungah melhoi thim na mu jouse na dai chatvai chun, itih in jong Kukite makho ding sempha sam pon te.

Ih na, gollhang! Dongma ho ka nei e na tia, inkote tohdoh sa manga a kipa pana ding na chohpeh ji chu bansan mai tan. Na khut taha na tohdoh sa chun man lhomcha hi jeng jong leh chohpeh le chun, numei pha leh ching chun nangma tohdoh saa na choh chu a kipapi joh tei ding ahi.

Lhan lai nikhoa don ding cha ka hin peh teng u leh lhan khuh sah langa lamkaipu dana theng sit seta na na touva; mihon na um kimvel uva, nang chula kiboltheisah taha na nui poh lah lah sang chun thipbeh cha lhan khuh sunga lei lai poh lah lah pa chu gamchengin ka star jo uvin ahi.

Khosunga thina aum kom jongleh mithite ina thiluong janhapi angai teng dah lap lapa hung lutin a ning lang lang na del in, lenkhom la thep lou chula jachat na’n jong na gel pha kit poi. Mi lasah laiyin na phun jol jol in, a nunga na hung nui kit vang chu… kengkoha hin se jeng ding ka lung ahi. Nang sangin na! Kho to langa gollhang toh thada nei lou, na musita noise taha na kiloipi ji, khongpua pang pa chu nang sang sangin keiho Lanuho hin ka moon jo uve ti he tem in.

Hoilamah, nang get chun ipi toh doh na nei mong ding ham? Na nu le pate nehguh mangin bike soh thah jouse na nei thei kit in. Topup thunna leh petrol man ding tahbeh jong na kithum kit in, chuteng khamna ding paisa na ngaicha kit in, na nu sumbom akon na satdoh kit e.

Miin Champagne leh Russian vodka a kham laiin nang chu ju johte voh-an tui khon ni khon thum bep kham pumin bike in thilha speed ah na lhai in, na pen lah lah gin gal khat akona ka hin jah vang chu… ka dip ka lai kana kidop ji tai. Ven, na gollhang chanpiho chun a dougal sat u jo tei ding go in a kimanlel lheh uve.

Kho leh houbung thakon nikho jongleh na tohma mu ding jong um louvin, a kamtam penin na pang kit jin, thunei pen hilouvin toh lama pontho tang em.

Aw! Kuki gollhang thahat laiho, khang uvin lang Kuki lanu ho kisonpi leh vetton thei din ma hin la thah kit tem uvin. I gam leh i nam lhu ding kon hi tungdoh kit taute!

Na kisonpi leh kineppi jing,
Kuki Lanu

KUKITE LEH TULAI INTERNET KHANG

Kuki khata hung pen lo man in Kuki society sunga ka pohnatna themkhat hin sei tem inge.

KIPUMKHATNA
I neolaia thuchih hung kisimdoh masapen khat chu, ‘kipumkhat chu hatna ahi’; sapkangte paova, ‘unity is strength’ kiti ahi. Ei ute hi i vet leh changval-a koima noiya um jong i um pouvin, mi bolthei khat bolmo ding jong i hi deh pouve. Thepna chihna lama jong mi phah leh het chan phalou leh helou jong i hi pouvin; koima ging loute, ipu ipa khang apata gal masanga jong jam ngai louva thi chan geia pang ngam te ina hi peh uve. Amavang, vangsetum tahin ‘society’ thu a kisei ji teng, ‘zero’ i lha pai pai ji tauve. Koiman ana ngaiset da tan tin, mi gin le ja jong i chang jou pouvin, gin leh ja thei din jong i um kit sam pouve. Hitiho hi ipijeh ham iti leh, society sunga kilungkhatna leh kipumkhatna a lhahsam jeh ahi. Continue reading “KUKITE LEH TULAI INTERNET KHANG”

Featured post

Create a website or blog at WordPress.com

Up ↑

%d bloggers like this: