NGAITO TEM IN…

Khat vei chu tehsepu khat hin rel station ah rel nga pum in newspaper asim in, khutdo chapang kum 9 mi bep hin, “Hepu, lungset in paisa nei pe’n. Tuni nilhum in imacha ka ne pon, ka gilkel lheh tai” tiin paisa athum e. Tehsepu chun phatah in agah ve’n, a kivonna akon chun a khoto lheh in; a sakhao sunga nehthei um chu a ladoh in chapang chu ape e.

10409188_794777530599071_3158340904521240136_n

Chapang chun kipah tahin akilah loi jin, gang tahin ahong in, ane pai tai. Tehsepu chun a gilkel dan chu ahen athil neh chu phate chan avelha e. Chutia tui taha aneh jing lai chu phulou helouvin ahung khang dot in athil neh chu anga’n, aneh moh chengse chu achun tup tai. Hichun tehsepu chun lunghang thim tahin, “Neh dinga ka peh na hin, nen boma pai ding na got ham? Abonchan ne chai in, na pai theilou ding ahi.” tiin aphoh tai.

Chapang benga chun mitlhi ahung luong jin jen in, “Hepu, pai ding ka got ahi poi. Hiche nehding nei peh hi keima changa ka neh jou thei ahipoi. Ka nao kum 6 miin tuni nilhumin ima ane poi ti ka hin geldoh in, ka neh be theilou ahi tai. Ka nao chun, ‘Ka u in nehding eihin pohpeh ding ahi’ tia ngahlel taha eina vetlhih jing ding ahin, lungset taha ka nao dinga ka pohpeh thei ding ham?” tiin tehsepu koma chun athum tan. Tehsepu lungthim chu akisun banga na in hiche chapang thusei chun atongkha lheh in, chapang chemang chan chu agal vet tan ahi.

Mother Teresa in a lungthima cham jing leh a haimil theilou tia asei ji chu, “Phat sottah nehding neilouva um Hindu inko khat komah anchang ka pe’n, anu u chun mitlhi va chut chut pumin kipathu asei jin. Hinlah, kidang tah mai in anchang chu mun ni ah kibang chetin ahomkhen in, chuin anchang chu apo’n apotdoh pai jin. Chomkhat jou chun ahung kile kit in, ‘Anchang chu hoiya na gakoi ham?’ tia ka doh phat chun hiti hin ei donbut in, ‘Ka inkom uva hin Muslim inko keiho tobanga nehding neilou aum uvin, anchang nei peh chu akehkhat ka hop ahi.’ Ngailutna, khotona leh lainatna hin gamgi anei poi…” tiin ana seiyin ahi.

Albert Schweitzer in, “Hiche mi noinungjoho leh vaicha taha i gelhou hin mi haosaho sangin ngailutna, khotona, lainatna leh midangho hinkho hetthemna anei jouve.” tin ana sei jin ahi. Tahbehin, hiche vaicha leh noinungjoho hi amaho deilhen vanga um leh hitobang ding hi ahi deh pouvin ahi. Achung uva thil lhung hohi hetthem theilou kom nei tei uvin te. Hithei hileh adei jouseu nei thei dinmuna din chu nom namau in te. Hinlah, amaho din hichu vana ga tobang ahi. Phatkhat kom leh Pathen thilgon dan hi mihem mihemna akonin hetthem ahah lheh jin ahi.

Hijeng jongleh, Pathenin i chunga vai ahop dana hi lhase thei i hi pouve. Ajeh chu tu dinmuna i din theinau jong hi AMA vang ahi ti hejing u te. Tahsan chate dia Ama chu phatthei chamkim hung konna ahin ahi. Ama i tahsan uva, athu i jop phot u leh i dei leh ngaichat hou chu imu tei diu hilou ham? I dei leh ngaichat hou chu kon ei peh diu ham? Ei pe thei u leh ei pe diu um sun chu Ama bou ahi. “Peuvin, chutileh peha na um diu ahi.” akitin ahi…

Love cures people – both the ones who give it and the ones who receive it.- Karl Menninger

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

Create a website or blog at WordPress.com

Up ↑

%d bloggers like this: