NGAILUTNA HEPHA LOU

(Thusim chom)

A pa damlai chun hahsa lheh jongleh a khosah dan u chu a pha dom mai mai in. Hinlah, tun vang a nuin kholai theh thenga paisa a lo leh a tuo phah phah tonga a lodoh chu a kivahna pen u ahi tai. Chutia a nu ha pan jal chun a chanu nei sun chu hahsa pum pumin lekha a sim sah thei ham ham in. Tun vang company len tah khatah na a tong tan, a loi a guol khat toh kibang bangin a kigel tai. A chanu’n sum sang ta nama jong leh a nu chu mi pontho tah ahi jehin a natoh, kholai theh theng leh toh thei thei a toh ji ho chu hai chuom louvin a tong jom jing peh in ahi.

Khatvei hi a nu chu a chanu natohna muna chun pahcha pe din a ga che in. Chutia a tohna Company len leh thupi taha a nu kivon chop deh duh puma a hung jeng chu ana jachatpi lheh ta in. Office sunga a lut ding jong phal louvin, a loi le gol hon a mu masangin a nung sol kit tan ahi. A nu jong chu lungthim na tah pumin thip chetin a potdoh in, lhase tahin a kile tai.

Amavang, sao tah jong a phah masangin a lungvaiin a lhu den ta in, chomkhat jouvin a thi pai tai. Chutia mithi aum phat chun Company-a natong ho jong chu a hung potdoh sou sou uvin, thil umdan jong chu a hethem pai tauve.

Hiche jou chun Company lamkaipu’n nungahnu chu ama office-ah a kou lut in, a mel akon chun a lunghang lheh e ti chu a kichen lheh e. Lamkaipa chun nungahnu komah, “Na nu chun hahsa tahin na hin vekol in. Tua hiche company-a na natoh jong hi nangma thepna’n a pha pon, hijongleh na nu chu ka office-ah a hungin, kap jen jun puma a hung tao tao jeha bou ka toh sah na hi e. Nangin vang na nu chu na jachatpi kit in, lungthim na leh lhase tah in, thipi thei khop setin na na koi e. Hijeh chun hiche company-a natong din na lhing ta poi. Na thepnain a phah lou jehin hoilai company danga jong tong thei deh pon na te. Tuni apatin na nu bang bang chun chol taha nehholna thei thei na kihol ding ahi mai e. Ban na hi tai!” tiin a seipeh tan ahi.

Nungahnu’n a thil bolkhel a kihetdoh phat chun ana vaigei val tan ahi.

Lolhinna hin mit a sucho jin ahi!

16473297_1071626162949053_5178462659832180624_n

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

Create a website or blog at WordPress.com

Up ↑

%d bloggers like this: