KA CHAPA, TUN NA HUNG THEI TAI

15894892_1048296078615395_3497086338126677372_n

Kum 1872 chu ahi in. Jan dah 9 pel nungle chun Epworth khosung chu ju thip va thipin a thip mang ji tan. Koima cha kholai vahdoh ngam aum ji ta pon, uihang jeng jong chu vadoh ding a kiphatlam leo ji tai. Hitobanga a umna hi lha ni masang apat chu ahi tai.

Hiche khosunga hin a phat laia miphalou gimnei minthanga kisei, kisel them leh ching kei kit, Goog kitipa chun jansot nung leh a natoh a pat ji ahi. Lha ni sung bepin mi 5 jen a that man in, numei 3 a suse in, chat thei louvin a koi in, mi haosaho jong a chom jin ahi. Hitichun, Epworth kho pumpi chu kichatna leh tijatna’n a luo dim tai.


A gollhan til laia a natoh bongching(cowboy) chu dalha in khopiah a vah lut in. Khopama mi huona theiga guh in a kipan in, tun vang mi gucha bouseh hi ta louvin, tolthat gimnei tah, mat dinga kihol leh luman nei ahi tan ahi.

A kum jong kum 60 a lhin nikho ahi tan, a vanglaini lhum kon cha ahi tai. A kiselna muna chun a birthday cake chu a at keh in, ju khon a dom in, dum a chep khuh lah lah e. Chuti lai chun kum 6 ahi laia a Sunday School jilkungpi, Mrs. Finn in ana hil ji, Rev. Lewis Hartsough la, “Pakai, ka hunge, tun nang kom jonin” ti la chu a ginchat phahlou behin a lungthimah a hung lut in. A chorus kah chu a sa sa jeng tai. Ama jong chun kidang a sa lheh in, chomkhat jen chu a kingaito in, “… thulahlou ahi! Hitobang la sa ding ka hi ta poi. Pasal!” ti pumin a ding doh pai in, a potdoh kit chu ahi tai.

Kho pam a phah phat chun kijamang chei cheia mipi lasah gin a jah chun a nabeng a hol lheh tan. Lacheng chu a he thei pon, la lhuh vang chu a het leh jah sa khat ahi. A chebe jing lai chun a got louna lam tah, St. Edmund Houin lam jonin ana che tai. A lasah u jong chu a hethei tan, ajo cha khata ama tahin a sah la chu ana hi e.

Kiging lou beh chun houin kot chu a peh hong tho in, khut dom pumin, PAKAI KA HUNG E! tiin a lhai lut pai in. Maicham phunga chun a ga bohkhup tan ahi.

Chuche houbunga chu Pastor D.L. Moody leh Ira Sankey te’n crusade ana bol lai tah ana hi in. Kikhop kikhen chun counseling a neipi uvin, michonse chungnung lungthim song banga tah chu patchon bangin a nem lha tan ahi.

A testimony sei jong chu a loupi gimnei lheh jeng e. A nu, a pa, a tunu thata suse leh a nei le gou jouse chompeh hi nama jongle, Christa ngailutna chun a lungthim uvah na a tong in, kipapi jeha kap leh mitlhi luong in aum gam tauve. A hinkho u sugenthei jingpa’n hinkho thah a nei tah phat chun mijouse chu kipah leh lungnavah in aum tauvin. Kichatna, tijatna leh lungdonna ding aum ta poi. Chutia Goog, miphalou chungnungin a hinkho a khel phat chun khosung leh gamsung huinun dan jong a jatchomin, a kikhel soh hel tan ahi.

A hinkho kichai kon lang chu leiseta thutan vaihomho khutah aum tan. A penthah ni apata ni 40 a lhin phat chun khailih dingin a um tai. Amavang mipi tam tahin kap leh mitlhi luong pumin a vailhah uvin. Vangamin jong, “Ka chapa, tun vang hung thei ta’n na te”, tia ana lamto tei ding ginchat aum e.

Itih laiin jong vangam khun, “Ka cha deitah, na hung kal ngahlel tahin ka galdot jing e!” tiin nang le kei jong ei ngah jing e.

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

Create a website or blog at WordPress.com

Up ↑

%d bloggers like this: