TONSOT GAM A JOT MASANG HIN

15317796_1008626079249062_1929611702062880310_n
A tonsot mun ding a jot nungle chun na mitlhi theh hul jou louvin long tei in tin; amavang, hiche na mitlhi lutna chu na hetphah peh tapon te. Hijeh chun tua a mu thei pet cha hin na mitlhi chu na lungset din lonsah jo tem in!

Thina khut votin a mat tengle chun pahcha hoi tah tah toh vailhah tei in na tin; amavang, hiche pahcha hoitah ho chu mu pha tapon te. Hijeh chun tua pahcha hoina a mu thei pet cha chun pe jo tang em!

Tonsot gam a lhung tengle chun a suhkhel leh bolkhel jouse jong ngaidam tan na tin; amavang, hiche na ngaidamna loupi tah chu hepha deh tapon te. Hijeh chun tua na ngaidamna a hetthei pet cha hin ngaidam jeng tang em!

Khenna gam a jot nungle chun ama ngaiin toni lhum jou louvin mang tei in na tin; hijongleh, ama ngaiin toni na lhum jou poi ti lam hepha tapon te. Hijeh chun a hetthei pet cha hin na lungset dan chu seipeh jing tang em!

Hi leiset dalha a, itiha jong kimu kit talou dia a che nungle chun, ‘Ka phat tam jo a koma kana man lou vang chu! Kou kit thei hi ngeileh ka phat jouse ama din pe tang e,’ tiin kisihna in dim teiin na te. Chu tobang phat a lhun masang leh tua a taha na bolthei pet cha hin na phat tam jo chu ama pe tang em!

Chung van-in nom a lhun phatle chun a koma sei nom tamtah na nei ho hin hedoh tan na tin; amavang, ngailha thei din a tahmel tongdon ding la um tapon te. Hijeh chun tua na thusei ho a jah thei pet cha hin na sei nom jouse chu seipeh tang em!

Tonsot gam a lhung tengle chun a chungchang thu jong a pha lam leh a hoi thei penin pahcha jing tan na tin; amavang, ama’n la imacha hepha tapon te. Na pachatna kam cheng ngei tah a hetthei pet cha hin pahcha jing tem in. Thi nunga kipachat sangin dam lai ngeia kipachat hi a lul jo mong e.

Na ngailut ho din na phat tam theipen peh ding gelin lang, na ngailutna leh na lungsetna ho a tam thei penin vetsah tem in. Ajeh chu thina khut vot hin koima a dem chom pon, itih leh I tonsot mun chu I jot diu ham ti Pa tailouvin ahe poi!

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

Create a website or blog at WordPress.com

Up ↑

%d bloggers like this: