KOIMA DIN NOM CHUOM PON TE!!

12669532_801659669945705_5086324585596674399_n
~Ka dinga na lut tahlou ni a hung lhun phat teng, na dinga lutna neocha beh ka’n nei thah kit tah jongleh, hahsa sa lheh in na te.

~Ka jan imut theilou leh ka lunghel lai banga na phat man chu lainat peh din ka lungthim la nang ding hi louvin midang ding johin ana kihong tan tin, kisih in kap kap jongleh chun, kile kit thei la hita pong e.

~Kei ngai nan phele le’n na tin, hijongleh na lhem din la um ta pong ka te. Kap pum puma ka koma um dia ka ngeh lai chu geldoh kit in na tin, hijongleh hiche na geldohna ho chun gentheina bep na peh be tan te.

~Jan imu theilouva na online leh online lou ka vil ji bang chun nei hin vil jing tei in na tin, hijongleh chutobanga nei koina ho jeh chun nei houpi ngam ta pon na te.

~Aw! A khoh lheh jeng e… tiin kap kap jongleh chun, nanga la hi thei chuom ta pong ka tin; ka limlah leh ka lekhathot luiho chu hin vel sim in na tin, lunghel lheh jeng tan na te.

~Bolthei chana ka lama hung kihei dinga ka tao ji lai ho chu ngai lheh tan na tin; lampia i kito kom jongleh nei houpi masa ngam ta pon na te, ajeh chu ka lungset laiya nei kihetmosah got tei dan ho chu hin geldoh jing kit tan na te.

~Ka hin phone teng thase taha nei donbut kom jongleh hahsa tahin ka nui tei go jin, hijongleh nang vang chun thase pum puma houpi din jong ka kihong ta poi ti na hetna chun genthei tahin na koi tan te.

~Nei lungsetna chu koima komah sei doh ngam tapon na tin; nachangin room sungah na phone bouseh chu loipha tah bangin khoi jing in na tin, lunghel tahin hinkho mang jing tan na te. Nom deh sam pon te na? Ka ngaichat ji leh ka ngai ji dan ho chu nei na hetthempeh le chun chubang lomin genthei thoh pon na tin, kei jong genthei sam pong e.

~Hijongleh, ima cha hi kumkhoa ding aum lou bangin nei nolna chun ka lungthima nang kana lungsetna ho jong haimil soh tan te.

~Ka lungsetna na na ngainep jing jeh chun lungsetna in na’n ngainep tan te.

***Na’n lungset tah ho lungthim suhnat lou ham ham ding go in, ajeh chu ana val jeng e. Nangin na thoh phat jongleh a nat dan nep deh sam pon te!!

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

Create a website or blog at WordPress.com

Up ↑

%d bloggers like this: