JONLHING CONCERT :-)

Ama kham bep-a lasathema kigel Jonlhing jong chu thinglhang kho khat, Loikhai kiti muna hin lasa din a che tan, Loikhai khomite vang chun ana ngaisang beh pouve. ”A theplou lou toh, a aw jong tractor gin tobang, a lasah jong khop aum e” tiin a concert-na a jong ache nom pouvin. Jonlhing jong chu lunghang thim tahin, a jing jingkah ma tahin Henglep lang jonin a kipatdoh tai.
15420753_1011287628982907_270569266660108495_n
Lampia chun gollhang khat hi a kitopi in…

Ngambom: Jonlhing hoilang jon ding na him?

Jonlhing: Henglep-a lasa dinga ka che got ahi. Na khomite vang a phamo val uve. Ka lasah jong angai nom pouvin, “lasah na them pon, na aw jong angei poi”, ei tiuvin. Henglep ho vang apha uvin, khomiten ei kipapi uva ei ngaisan joh diu kinema na khou ka hin dalhah ahi tai.

Ngambom: Jonlhing, thil khat na seipeh inge. Hoilai munah che’n lang, ichena gamla taha che jongle chun, na aw chu na kisemphata na kihambol louva tua na aw tobang bang chu ahi jingle vang hoilai muna che jongle chun miho ngaisan pha jou deh pon na te. Nangma kivekol in lang, na aw kisem phat in lang, na aw angei a lasah na thep phot leh hoilai mun hijongle miho ngaisan na chan tei tei ding ahi. Loikhai-ah hi hen lang Henglep-ah hijongleh nangman machalna na neilouva ahi leh miho mudan kikhel chom pon tin, angai ngai hi ding ahi” tiin ahil in ahi

**Mi lunglhaina chan ding i dei a, i chunga mi phatbol ding i dei leh eima kikhol chil masah angai in. Mi chunga phat i bola, mi dei lama i chon phot leh miphamo penin jong ei chungah lungthim phalou keng sam pon te. Mihon ei deilouva ei ngaisah lou teng eima chunga thil dihlou leh lhinglel um hinte tia ei le ei kikhol chil joh ding ahi.

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

Create a website or blog at WordPress.com

Up ↑

%d bloggers like this: