IPI HAM A POIMO CHU?

Kigo in lang kigo hih jongle chun, nikhat leh achaina chu hung lhung thou thou ding ahi!
Jing nisoh, jingkah, nilhah leh nidan kiti um tapon tin,
Na nei leh lo jouse jong midang koi hamkhat khutah um tan te.
Na goulu kikhol ho, na minthanna leh thaneina jouse jong pannabei chang tan tin,
Ipi na nei a, koi in ipi na bat ham ti jong pannabei hi tan te.

Na lunghanna jouse, lhasetna jouse, kiphinna leh ochat jouse jong mangthah tan tin;
Chubang chun, na kinepna ho, lungtup ho, tohgon ho leh bol dinga na gel jouse jong bei soh tan te.
Thupi taha na na gel jing, na lolhinna leh losamna jouse jong kitol mang tan tin,
Hoilai apat hung kipan na him ti leh hoilai ningkoi khata cheng na him tiin jong umje nei ta pon te.
Na melhoina leh chihna jouse jong chu panna bei jeng hi tan tin,
Na vouso leh numei pasal hina jong chun panna nei ta pon te.

Hijeh chun ipi ham na hinkhoa poimo chu? Na damlai hinkho manlut dan chu ipi’n a vetsah ding hi tam?

A poimo chu…
Itobang thil na kichohdoh em ti sangin itobang thil na tundoh em ti chu a poimo joi.
Ipi na kilamdoh a na nei em ti sangin ipi na pehdoh em ti chu a poimo joi.
Na lolhinna sang chun na tohdoh joh chu a poimo joi.
Ipi na na jildoh em ti sangin, koi ipi na na hildoh em ti chu a poimo joi.
Mi vetjui leh kitilkhou theina dinga na kiphalna, kitahna, phatna, khotona, hansanna, leh kipehdohna jouse chu a poimo e.
Na boltheina sangin na mihina joh chu a poimo joi.
Mi ijat na kimelhet pi ham ti lam sang chun mi ijat in na thi nungleh pammai ahin sah diu ham joh chu a poimo joi.
Na lungthima na hetjingna ho sang chun miho lungthima iti na’n geldoh diuvem ti joh chu a poimo joi.
Mihon itih chan na’n geldoh uva, koi in ipi jeha nan geldoh ham ti chu a poimo e.

Hinkho manlu taha man kiti hi ama chama umthei thil ahi pon, eima deilhen jeh ahi. Hijeh chun hinkho manlu tah man ding gel jing jeng in!

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

Create a website or blog at WordPress.com

Up ↑

%d bloggers like this: