VO! KUKI NUNGAHHO

15541469_1025978680847135_8652117788706950902_n

 

Shillong-a ka lekha sim lai chun ka inluo koma chun Korean inko khat hi aum in. A chanu u khat, donghoi leh mel kikap jet, kum 21 vel mi chu college kai lai ahi. A kengto apata a lujang chan chu a ngou set jeng in, kei tobang tribal gollhangho ding chun ‘vet chim joulou lanu’ tia vet nilhum vet khovah thei khop set ahi. In langa gamlenga chena khatah pho louvin kimu kha taleh, hoilang thilha nungah ham tia i lubuh i jampi ahilou ngal leh jol lhah tei kingaito ding ahi. Ahilou jongleh hiche nungah melhoi, nolna bei chun i nunglama konin Potipher jinu bangin i sangkhol mangah ol cha’n ei hin tuh jeng taleh, Joseph bang chun ki kitim jou mong nan te ti koiham a sei thei dingah!

Hijongleh chutobang khop-a nungah nou chet melhoi tah chu ima behin jong a kigel pon. Chuche Korean nungah nu sang chun i thinglhangmi chanpi nungah, ankam changpah leh gotoi me me puma i nuipi jah jah theiho hi na deium jo uvin, keiho mitmu’n vang hoi jong gamchengin na hoi jo uve.

Chutobang Korean nungah ho mai mai chu lamkaha i kitopi kom jongleh houpi kham jong a kisah pon, hoilai dukan hamkhata i kimupi kom jongleh kihetpi nomna lungthim jong a kinei chom poi. Amaho sang chun Vahboi ho, Kikim ho, Neoshi ho, Chochong ho hi keiho din vang na melhoi jo uvin, ka lunglai u jong na khoi jo uvin, jalkhun khata ponsil khat kichu khompi ding deh dehin vang a vel vel somsagi sagi sanga tamin ka dei jo uvin ahi.

Sap nungah ho, Korean nungah ho, Khasi nungah ho toh hin ka tekah thei pouve. Amaho toh tekah din jong ka phal pouvin, tekah din pammai ka sah uvin ahi. Kuki nungah na hiu chu keiho din vang na qualification u sang pen ahi tan, thil dang ngaito ngai khoh jong ka sah ta pouve.

Hitobang taha Kuki nungah ka gel thupi lai u hin nanghon jong Kuki gollhangho hi nei dei uvin lang, jat dang gollhangho sangin nei hin ngaisang tem uvin. Sum le pai in mivomho leh jat dangho chan ka pha uve ti ka hi pouvin, ka mel u jong vet ngam ngam hi hih nan te. Them pen leh ching pen jong ka hi sam pouve. Hi jeng jongleh na nam chanpi ka hiuvin, Thadou-Kuki paova na kinahpi leh kihoupi thei ka hiu seh seh jong hi suma choh joulou manlu tah khat ahi ti he jing tem uvin!

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

Create a website or blog at WordPress.com

Up ↑

%d bloggers like this: