VAN AKON LEKHATHOT

17155679_1097827933662209_6693309104820856131_n

Ka cha deitah,

Na lungdon leh lungkhamna jouse ka kom na hin lhut ji hi kana hesoh kei e ti hi ka hin hetsah nom in. “Pathenin ka taona a sang poi” tia na phun phun ji tengle, ke’n vang na taona san lou ka nei ngaipoi ti hi na seipeh ing e. Ka sanna vang chu na kinepna leh deibang chet hilou maithei ahi; hinlah, na phatna ding joh ahi ji e.

Nangma na kikhoto leh midangho sanga chan se joa na kigel ji teng ka chunga na poimona leh manlut dan ho hi ana hethiem ji le chun ka nom e. Suhkhel vanga hi leiseta hi hung pieng na hi pon, hi leiset a na hung pienna ding hi na pi le pu khang apata kana gon sa diem ahi tai. Leiset mihem telmah tam tah lah-a hin nang tabang chet hi ana pieng ngai pon, pieng jong pieng kit tapon te. Deitah leh pha taha ka tundoh na hi e.

Ke’n vang na samjang jat toh ka he in, na guchang leh na tahsa a ‘cell’ um jouse jong hi haimil louhel in ka he soh e. Hitabang taha chamkim leh kidanga siem na hi hi, na lhahsam lai penin jong sumil lou jen in. Ka ngailut leh khoto jehin itih laiyin jong ka dalha ngaipoi ti hi he jing jeng in lang, nei kou phat jousea donbut din na komah ka um jing in, ka um jing ding ahi e.

Jingkah na kitho apat na imut kit chan, kho helouva na jan imut laiyin jong ka umpi in, ka veng jing in, ka hetpi lou ima na chunga hin a lhung ngai poi ti hi he jing tem in.

Phat tam joa na kisahbuoi jeha nilhum keiya khatvei jong nei houpi man lou lai ho, nei kihetmosah a nei houpi nom lou laiyin jong ke’n vang na kom ah umin ka sumil ngai poi. Kineosah tahin ka ching jing in, ka kom akona na jam mang phat jongleh na hung kile phat ding ngahlel tahin kana galdot jing ji e.

Thasetna leh kitimlelna hin nang leh kei kikah-a i kijopna a suse jing jin, hijeh chun imalam jouseah kihambol jing le chun ka nom lheh e.

Na chunga ka kipa jingna pen chu midangho na panpi ji hi ahi. Hitabanga miho na kithopina jouse hi khatcha jong haimil louvin ka melchih soh kei in, a jat tam taha ka le sah ding na hi e.

Achaina penin, hitabang taha na ngailu Pa na nei ahi ti hi itihlai in jong sumil hih in lang, hiche ka thohhatna nei tabang jong hi nei le chun ka nom lheh e.

Ka song lheh jeng in, midangho dia phattheina hung hi jom peh jing tan.

Na ngailu jing,
Jesu Christa

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

Create a website or blog at WordPress.com

Up ↑

%d bloggers like this: