SOLOMON LEH KHOIVA!

Khatvei hi Leng Solomon chu a huona ga kihuilha din a sepai ni toh a vahdoh uvin. Chomkhat jou chun van ahung kinim in, van gin kithong dung dung chu Lengpa’n angai thei ta pon. Kicholdo din thinglim naipen chu ajon gangchal tauve.

11262142_689371801174493_2967115333807094224_n

Chutia a kichol u chu, a an va thim chutoh Lengpa chu a nahhai pai jeng tai. Hijongleh, a gah nahhai pan pan lai chun khoiva khat hi ahung mao le le in, Lengpa nah don taha chun ahin dep chot jeng tai! Awging tahin lengpa chu ahung peng jah jahin, mi petho chu man pai din sepaiho chu thu ape ngal tai. Body guard tenin jong apu chunga a kitahna lhon vetsahnan chutia lengpa chunga khutlha ho chu aganga gang in aman chot lhon tai.

Hitichun, Aw! Lengpa, chungnungpen masanga chun an pui tauvin, ‘Ipi jeha mi imu nuom sel lai nah don tah chu na pe ham?’ tiin khoi paovin Lengpan ana house jah jah tan. Lengpa chu ve jong ve ngam louvin khoiva chun, ‘Ka suhkhel ahe, nei ngaidam in. Lengpa, bol kit ta pong e, nei lhan lang kithopina thei leh nei ngaichat ni leh kan kan panpi ding na he’ ati tai. Chuche thu ajah chu lengpa jong kitangchet kigo leuvin anui in, ‘Nang hin nei panpi thei mong di hi nam? Na neo neo toh, che mai tan!’ tiin khoi chu a lha jalen tan ahi.

Khatvei hi Sheba Lengnu hin Leng Solomon chih je thu chu gal thuthanga konin ana ja tan. A chih je patep din hoi chamkima kijem in lengpa kom jon din a kuondoh tai. Lengpa chih dan patepna din lengnu’n jong pahcha lhem, atah tobang chet leh kibang cheh boh somnga lai chu ahin lahdoh sah in, chuho laha boh khat bou chu atah ahi. Hitichun Sheba lengnu chun, “Thil li hetthiem lou na nei in, tun, a ngana din hoiche pen hi atah ham hin lheng tem in,” tiin Leng Solomon chu a gah ven. Chuti lai tah chun a mit leh mit lhon chu a kitoh kha chet in, Leng Solomon ji hao leh numei deicha hata kithang ti tah ngei chun, “Vom jongleh a rasi aum e” ana ti man kit tai!!

Lengpan jong pahcha chu a khol pan tan, a khoile a khoile in, a gah nah ji jin hijongleh kikhehna ima a he khen thei deh ta poi! Leiseta michingpen chala kuon chun ulsa ahung luong pan tan, a khutho jong chu a kithing det det tai; Sheba lengnu vom lit let rasi nei in pha taha ana vet lhah jing jeh jong chu ahi. Hijongleh chuti lai tah chun khoiva neocha khat hi ahung mao lhing lheng in, Leng Solomon chun ana he kei kit tan. A kom ahin phah phatin khoiva chun lengpa chu ahin sih vet del del in, pahcha boh laha atah pena chun a chu chet tan ahi.

Chuche khoiva jal chun Leng Solomon in pahcha tah chu a hedoh thei in, ana that jeng taleh Sheba lengnu masanga chu jum tei ding ana hi e!!

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

Create a website or blog at WordPress.com

Up ↑

%d bloggers like this: