LOUBOLPA LEH A JINU

A nupa chun a kinel lah lah lhon in…

Ajipa: Nilhumin inah na um in, na tohdoh mu ding la aum kit pon… thaset jong hi bolthu ahi. Na na toh tengle hin na tochol dehset in, kino doma toh ding gel ji tang em. Phat sumang bep na he.

11406987_696975693747437_4631239666486407797_n.jpg

Ajinu: (Lunghang tahin) Ummm… jing apatin inah um in lang, ken louna tong nang e. Insung natoh hi nangin ana tong patep in. Chuteng ipi ahi he tan na te.

Jipa: Ummm… henge! Ga tong ngot tem in. Na natoh jouse ken ana tong nange…

Jinu: Bongnoi ana lhoh in lang, ah an pein lang, voh an jong ana pe’n lang, an ana huon in lang, kuong le bel ho jong ana not thengset in. Insung ana sutheng in lang, lhuong ana jut in lang, ka kisilna ding tui jong nana om ding ahi…

 

Ajing in….

A jinu hung kile kah chun mipa jong chu bongnoi lhoh din a kisa in, a bongpi chun a chalpang don tah chu ahin seh khah tai. Voh an ahin pe kit in, vohkul sunga chun a lu a kita kit e. A intomlang uva ah an pe din ache in, ah an pen chu a haimil kit in. A lhuong jutna lamah a kong a kisuhheh kit tai. An ahin huon bel bul in, neh thei asuo kit tapon. A kong nat jehin a jinu hung kile teng a kisilna ding tui jong a om thei tapon. Hitichun… lupnaah a kimoh jam tai…

Nilhah in ajinu chu ahung kile in…

Jipa: Boipu nu, in lama natoh hi bai leh nuom tah din kana gel jin. Lou lama ka natoh ji sangin abai in, anuom chuom hih beh jenge. Na toh thei chan na tohdan leh insung na vetkoldan ho hi kana mudoh ji pon, tun vang ka hethiem tai. Na chol lheh ji ahe ti hi ka pom thiem tai. Tu apatin vang khatvei jong na seise kit tapong e. Boipu nu, nang jao louvin kei leh i insung u hi imacha ana hilou ding dan ka muchen tai,” tiin mitlhi nat phih pheh pum chun ‘cha hin om in’ gah ti ding jong chu asei ngam tapoi… 🙂

Na jinu/jipa in atoh thei chana atoh leh a natoh chu seiset peh jeng louvin seiphat peh ding go jing jon, chutileh na nupa lhon hinkho chu kipa leh thanop nan hin lobe cheh cheh in tin, nupa kilungtoh leh vetjui thei tah na hi lhon ding ahi. Thil hahsa tah ahi deh poi, insung natohah thaiboi kiti aum poi, insung kitoh a hi joi… atiuve.

Midang na seiset a, na pho jing teng ngailutna phat na neilou ding ahi – Mother T.

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

Create a website or blog at WordPress.com

Up ↑

%d bloggers like this: