KOI NA LHENG DEM?

Nikhat hi Pastor khat in counseling class a lah laiin a student ho laha Vahboi koma chun thudoh jatchuom beh khat a dong tai…

Pastor : Na hinkhoa mi poimo pena na het mi 10 min blackboard a chun hin jih doh tem in.
Vahboi chun, a inkeng nu, a loiho, a sopiho, a inkote, a chate, a jipa leh anu le pa ho min chu ajih in.
Pastor chun, “Hitiho laha chun mi 6 min hin nuoimang kit tem in,” ati kit in.
Vahboi in jong a jipa, a chapa leh anu leh pa tilou adang jouse chu a nuoimang tai.
Blackboard a chun a jipa, a chapa leh anu leh pa te min bou chu aum tai. Hichun mi 3 min nuoimang kit din asol kit tai. Vahboi chun hahsa sah tah pumin anu leh pa chuleh a chapa min chu a sumang kit tai…

A classmate ho chun kidang asah uvin a detmah lheh uve. Pastor chun, “Na nu leh pa chu naosen na hilai apata nan vekol ahiuvin, na chapa jong a laigil ga, na hindoh sa ahi kit in. Ji vang adang na nei kit thei thou ahin, ipi jeha na jipa chu na lhen ham?” tiin adong tai.

Vahboi chu a thipchet in, hiti hin a donbut tai :
“Itih ni hamkhat leh ka nu le pa’n ei thisan ding ahi. Chuleh, ka chapa’n jong ji hin neiin tin, in chuomah hung cheng tan te. Ka jipa’n vang hahsatna, lungdonna leh lunghelna hon ei luonkhum laiin jong ka koma um jing jeng ding ahi e, hijeh chun ka jipa hi lheng lou thei ka hi poi.” tiin a donbut tan ahi.

Na jinu/jipa chu ngailu’n lang lungset in. Midang akhel ding um nama jongleh, achaina chena na kikoppi ding leh na koma um jing ding chu tua na jinu/jipa chu ahi ti hen. Koppiho ngailut val leh lungset val aum pon ahi. Vangam mu pha louva vangam nopdan ei mu sah chu i kikoppi ho hi ahiuve. Nungah/gollhang ho dinga i kikoppi phapen chu Jesu Christa ahi.

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

Create a website or blog at WordPress.com

Up ↑

%d bloggers like this: