KIHETSAHNA MAI MAI

16939528_1088688377909498_5043586692623024440_n

Kho khata hin Pastor khat hi aum in. Sun khat chu houin mun a jotpa laiyin, koi tobang houina tao dinga hung ji ham tiin pulpit koma chun touvin a ngah e.

Chomkhat jou chun houin ninglang kot akon chun tehsepu khat hi a hung lut in. A kivonna ho chu a lui lheh jeng tan, kisutheng man lou bangin a muhmul leh khamul ho jong chu a sao gam tai. Hichun, tehsepu chu a dilsu in, a dingdoh in, a potdoh pai kit tai. Chuche ni apat chun, sun seh tehsepu chu a hung jin, chomcha a dilsu in, a potdoh pai kit ji tan ahi.

Tehsepu chun a khuta thil choi khat a nei jing jeh chun Pastor chun ginmona a nei tan. Nikhat chu, “Hiche laiya hi ipi na hung bol ji ham?” tiin a dong tai.

Tehsepu chun, khopam langa natong ahi thu leh sun anneh chomcha kah chu ama dinga tao phat ahi thu in a dontbut in. A tahsanna, thahatna leh thilboltheina dinga tao ji ahi chu a seipeh in, “Hilaiya chomcha ka hung lona chu ka tohna mun a gamlhat jeh ahi. Dilsu puma Pathen koma ka tao ji teng, hitia hi ka tao ji ahi :
“Pakai, guolpha hi dinga i kimuto ni apat leh ka chonset na sop theng jalin, ka kipah tangei e! Taona ding leh tao dan jong ka he poi, hijongleh nisehin ka hin geldoh jing e ti vetsahnan, Jesu, hiche hi ka hung kihetsahna mai mai ahe.”

Pastor chu a le kiphatlam jo tan, tehsepu koma chun a nop phat phat leh hung tao ji din a seipeh in. Tehsepu chun nui sel in, “Ka che phat ahi tai. Ka kipah e!” tiin houin akon chun a lhaidoh pai kit tai.

Hichun pastor chu maicham phung achun dilsu in a tao tai, masanga a bol ngailou chu! A lungthim chu a jun lha tan, ngailutna’n a lo dim in, Jesu chu a kimupi tan ahi. A mitlhi va chut chut pum chun, a lungthimin tehsepu taona bang bang chun a taovin,
“Pakai, guolpha hi dinga i kimuto ni apat leh ka chonset na soptheng jalin, ka kipah tangei e! Taona ding leh tao dan jong ka he poi. Hijongleh nisehin ka hin geldoh jing e ti vetsahnan, Jesu, hiche hi ka hung kihetsahna mai mai ahe.”

Ni khat chu sunkim a val tan, tehsepu chu a hung ta poi. Ni phabep jouva jong a hung kithah tahlou jeh chun Pastor lunggel chu a nom ta pon. A tohna mun achun aga vil in, tehsepu chu damlou jeha hospital-a um chu ana hi e.

Hospital-a jong chun mi jouse a kipa sah in. A nui mel put ho, a kamdam ho, a kipa jing thei dan ho chun aum khompi ho lungthim chu a kikhel sah soh tan ahi. Amavang, nurse ho laaha a lamkainu chun chutia tehsepu, pahcha leh nehthei tui tui hin choipeh ding, loi leh guol, inko leh sopi jong nei lou, kipah taha hinkho mandan chu a lungdong in, a datmah lheh jeng e.

Nikhat hi Pastor chu tehsepu koma chun a ga che in, nurse nu lungdonna thu chu a seipeh tai. Tehsepu chun nui selin pastor chu a ve in, “Nurse nu chun a hetthem lou jeh ahi. Hilaiya ka um sung hin, nisehin sun tengle ka guolpha tah chu a hung jin, ka komah touvin ka khut a tuh jin, chuteng ka nabengah hiti cha hin ei seipeh ji e :
“Guolpha tah hi dinga i kimuto ni apat leh na chonset ka soptheng jalin ka kipah tangei e! Na taona ho chu ka ngai chim thei pon, nisehin ka hin geldoh jing e ti vetsahnan, Guolpa, hiche hi Keima, Jesu, ka hung kihetsahna mai mai ahe,” tiin.

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

Create a website or blog at WordPress.com

Up ↑

%d bloggers like this: