‘Alexander the great’ vailhahna

Alexander the great’ vailhahna thu kidang tah chu…

11403102_709763435801996_8194494043030559267_n

Leng Alexander chu, lenggam tamtah a lah nung in, in lam jonin a kile tai. Lam kah achun a hung dammo tan, thi ding dinmunah a ding tai. Hitichun, a sepai hangsan tah ho, a gam lah jouse ho, a manchah phapen a chemjam hiem set leh a goulu tah ho chu ama din panna bei ahi tan ahi.

Chutia thi ding dinmuna a din phat chun, a lupna koma chun a sepai jalamkai ho chu a kou khom in, a vailhahna thu chu hiti hin a seipeh tai :
1.Ka doctor thiem pen pen hon bou ka kuong chu a jon diu ahi.
2.Ka gou khol sa (sum, sana, songmantam) ho chu ka kivuina ding lampia chu na thejah diu ahi.
3.Ka khut teni chu ka kuong sung apata nei jah(san) doh sah diu ahi.

A sepai jalamkai ho chun lengpa thusei chu kidang a sah lheh uvin. Sepai jalamkai laha khat chun, a thusei chu a hetthem lou thu leh hilchet peh din a tao tai. Hitichun, lengpa’n jong a vailhahna thu chu hiti hin a hilchen tai…

1.Ka thikuong chu lou le ai lama thempen, doctor hon ajon diu ka deina jeh chu; mihem khat chu Pathenin a tep peh phat a hunglhun teng, lou le ai them pen hon jong a huhdoh jou pouve ti hi ahi. Hijeh chun hinkho kiti hi koiman gel dao da hen.
2.Ka kivuina ding lampia, sum, sana, leh songmantam ho thejal ding ka deina jeh chu; leiseta gou ka kikhol chu leiseta kichai ding, ka thi tengle vang ka gou khol sa themkhat cha’n jong ei jui theilou ahi ti hi mihon he u hen. Nei le gou bouseh delna a hinkho man hi panna bei ahi.
3.Ka khut teni kuong sung akona jah doh ding ka deina jeh chu; leiseta hin khutgoh keovin ka hung pieng in, khutgoh keovin ka kile kit e, ti hi mihon he u hen.

*Hatna, lalna, haosatna kiti jong hi damtheina pang louvin panna bei ahi. Na tahsa damtheina chu nangma kiven hatin jong i chan hamkhat apo e ti hen lang, damtheina gel khoh jing jeng in.
*Leiseta i goulu pen u ‘Hinkho leh Phat’ hi a kichai teng kutgoha kile tailou bol thei i nei pouve. ‘Phat’ hi i thil nei mantam pen ahi, ajeh chu kichai phat nei ahijeh ahi. Nei le gou haosatna ho hi lam be jing thei ahin; ahinlah, “phat” vang koiman a kilam be thei poi. Mi koi hamkhat koma na phat manlu tah na peh teng, na kou kit thei tahlou ding na damlai phat pha na peh tina ahi.

Hijeh chun sopi, na inkote leh na loiho koma na thil peh thei manlu pen chu ‘NA PHAT’ chu ahi. Pathenin damna leh phat pha tah tah ei pe jing u hen lang, midang ho koma i hil son thei ding chihna tamtah nei be jing u hi tin, kipah leh lhamuong sela hi leiset hi nuse thei din kigo cheh u hi te.

 

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

Create a website or blog at WordPress.com

Up ↑

%d bloggers like this: