NA HINA BANG BANGIN

Chapang kum 5 mi khat hin a nu deilou thil a bol in. A nu houset ding kichatna jehin a in uva konin a jam tan, a masanga lampi achun a lhai lhai tai. A chaina chun lampi dang aum ta pon, a umna mun jong chu a hechen jou ta poi. Gilkel leh chol tahin lampi achun a moh tou den tai. Panpi ding a gah kouvin, donbut ding la koima aum ta poi. Chutia lungdong taha a umlai chun ana imu lha tai.

A mangin Vantil puon kang kivon khat hi a komah a hung in, neh leh don ding ho chu a pe e. A khut nem taha a tahsa a jut le le lai chun chuche chapang jong chu a hung kithou khang tai. A chunnu ngai tah chu ana hi in, ngailutna awnem leh kamdam selin, “Boi, a pha tai. Na jam gamlha val tai, phat sah jeng tan. Tun na jam mangna apat hin kile phat ahi tai. I in uvah kile ta hi te, kichat ding leh tijatna ding imacha aum poi. Ka chapa, ka ngailut tah na hi e” tiin a nu chun a chapa gilkel leh chol tah chu a pom in, a inlang uva chun a kilepi tan ahi.

Hiche chapang tobang hi i hi khah uvem? Pathen koma konin i jam mang jiuvin, i nop nopna mun jouseah i jam le le jiuve. Ei ngailu leh lainatpi chu kihetmosah jing puma i masang lampi nuom taha i gel achu i jam jing diu ham? I jam thei tahlou nung beha jong chol tah puma panpi ding i kou lou ding ham?

Tu chun gamlha tah leh sao tah jam ta jongle chun, kile kitna ding phat aum in ahi. Na jamna lampi chu he ta hih jongle chun, lampi dih kopeh thei ding aum jingin ahi. Ama chu Jesu Christa hi ahi.

Itobang tahin thil sukhel nei in lang, Pathen doumah bol ta jongle chun, Ama’n vang itih laiin jong na ngaidam thei jing in, lampi dihlou na jot lam na hetdoh phat angah jing e. Thil dang ima a ngaicha pon, na dinmun leh umdan bang banga chu ngaidam ding a dei ahi bouve.

“Boi, na chena lampi chu phate chan ve tem in. Thina kokhuh panga na vale lam jong na kihet poi. Na jam gamlha val tai. Ka komah hung kile in lang, lampi dih leh tonsot hinna lampi chu ka kopeh ding na hi e” tiin Pathenin na ngah jing e. Na hina bang bang chun a kom jon tem in!!

16939477_1088779707900365_8888267672975120369_n

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

Create a website or blog at WordPress.com

Up ↑

%d bloggers like this: