LEKHABU SIM TAM DING

“Tunia khatvei beh lekha na sim lou leh jingle houlimpi ding nei pon na te.”

Irish thuchih khat chun, “Lekha sim ngai lou mi chu a thal ding um lou tuikhuh tobang ahi,” a ti. Gam leh nam khangtou jousen lekhasim a gelkhoh in, lekhasim khohsah gam leh nam jouse a khangtou jin ahi. Tulai khantouna a sang cheh cheh in, phat suhmangna ding jong a tam cheh cheh e; hijongleh, lekha simna ding phat i neilou khah u leh vang i machal ding bang uva i machal jou lou khah diu ahi.

Lekha i sim leh i hetna sang jeng ding chuleh kiching jeng ding tina ahi pon; hijongleh, I hetna a choh thou in, ngaitona leh ngaidan thah thah ei pe jin ahi. Eiho laha hin lekha sim lampang hi i lhasam lheh jeng uve ti hi kinelna bei ahi. Eima paova sim ding, ipi lam lekhabu hi jong leh, mu ding tahbeh jong a tam pon. Chutilai chun a umsun ho jong a sim ding i kivat lheh uvin, lekha sim kiti mong mong thanopna lungthim nei i lhom lheh uve.

Eiho laha kum 20 chung lam, kum khata lekhabu khat jong sim chai jou lou hi alhangpiin kisut leh 90% vel beh hi tei in te. Khangthah ho laha hin lekhabu chohnaa sum sumang hi aum lou tobanga gel thei ahi. I phat ong nei jouseu la mobile phone kichep, TV vet leh Korean film vet nan i mang chai gam kit ji tauvin. Internet i ga lut kom jong leh thu le la lampang, hetna hol be a, lungthim leh lunggel ho manchah sangin phatchompi thei lou lim le mel ho bou i buoipi uvin. Khatvei tou i sim kom jong leh nuijatna leh totna, thu manlou ngan ahi kit ji e.

Tulai internet khanga hin Internet banga thil bolthei leh nasa, a setna hi hen a phatna hi jong leh, aum pon. I man them phot leh ima lam jousea phatchompi thei thil ahi. Masanga thil hahsa tah tu nunga bailam taha i nei thei khat chu ‘information’ hi ahi. Leiset chunga na thil het nom jouse na hetmona ding aum ta pon, bailam taha internet-a na hol leh download ding bou ngai ahi tai. Internet jalin thil tam tah a kihe jung jung thei tan, i tapsahkun leh lupna chung apatin jong lekha i dei dei a kisim thei tan ahi.

Lekhabu sim tam kal a chihna leh hetna nei theina ding bailam aum pon. Lekhabu hi jilkung pha tah jong ahi mong in, koima dang hil ngai louva jong ei leh ei kihil theina bailam pen ahi. Lekhabu sim tam hin ngaitona thah thah ei pe jin. Midang koma houlim dan jong a jatchuom in, khopholou bangin kiphatlam tahin ei koi ngai pon, eima lunggel nei thei khatin a kium jin ahi.

Phone pha tah nei chu khantouna ahi pon, natoh pha tah nei jong sum muna hi nan te; amavang, lekha sim ngai lou hinkho chun hinkho thusim ngainom dan tep pha pon te!

Ebook website themkhat :
1. http://bookzz.org/
2. http://www.gutenberg.org
3. https://openlibrary.org/
4. http://ebookee.org
5. http://www.manybooks.net
6. http://oll.libertyfund.org
7. https://www.goodreads.com
8. http://www.freeetextbooks.com
9. http://www.free-ebooks.net/
10. http://imgur.com/gallery/ZNgmNku
11. http://www.classicreader.com/
12. http://gen.lib.rus.ec
13. http://www.dli.ernet.in

16508631_1074564959321840_2725358286793329503_n

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

Create a website or blog at WordPress.com

Up ↑

%d bloggers like this: