KITHOINA SANGIN SEINGAI A PHA JOI

Numei chapang khat hin a pa thilpeh dangka khi chu a dei lheh jeng in, a imut lai leh a kisil laiin jong sut ding a nom pon, phat jousen a ki-o jingin ahi.

16939264_1094549100656759_5266151183049173098_n

Nikhat hi a pa chun, “Boinu, nei ngailut mong mong em?” tiin a dong tan.
“Henge, hepa, ka ngailu e,” tiin a donbut e.


“Bolin ka ti jouse seingai taha na bol ding hi nam?” tiin a pa chun a dong kit in.
“Henge, hepa. Bol dinga nei dei jouse ka bol ding ahi,” tiin a donbut e.
Hichun a pa chun dangka khi chu meikhuh sunga leh lut din thu a pe tan. A chanu chun mah a sah lheh in, tot mai mai ham tiin a gel in. Hinlah, a pa chun a ti tah tah ahi a het phat chun a khi chu a sut in, meia chun a leh lut tan. A it dan dan chu mitlhi luong jen junin a kap e.

Ni leh lha a chal jing in, chapangnu chun a khi chu a it val jehin a hinkho jong a ngui lha jeng tai. Amavang, a pa chunga chun a lhase pon, a thusei ngai tahin aum jom jing in. Masang sang sangin a pa chu a ngailu jo cheh in, a pa koma um jing chu nom a sa in, a pa chu a kinaipi jo cheh e. Hi chun a pa chu a kipa sah lheh jeng in ahi.

Kum khat a val ta in, chapangnu birthday chu a hung kihei doh kit tai. A pa chun bom neocha khat hi birthday thilpehin a pe in. Thanom tahin a chanu jong chun bom chu a hong in, a sunga chun a ginchat phah lou beh sana khi, hoi leh manlu tah chu ana um e! Kipah tahin a peng lah lah in, khi ki-o pumin a pa chu a koi chah kheh in, kipathu a sei jah jah tai.

A pa chun, “Ka sei na ngai jeha na khi dei tah na hal vam ngam jeh leh hal vam dinga ka sei jeha ka chunga lunghang jeng louva nei ngailut cheh jehin ka kipah lheh in, hiche sana khi hi ka peh na hi,” tiin a seipeh tai.

Job banga, “Pakaiyin ei peh ahin, a kilah kit ahi tai. Pakai chu nunnom hen,” ti theiho din vang Pathenin imacha it a nei ngai poi.

 

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

Create a website or blog at WordPress.com

Up ↑

%d bloggers like this: