JUDA DOCTOR TESTIMONY

11822502_727647780680228_2803988940886229812_nAmerican Civil War lai chun US Army lahah sepai doctor in ka um in. Getisburg kidouna a chun sepai ja tam tah kisukha ho chu ka hospital uva chun ahin polut un, tam tah chu khut le keng tan ngai khopa macheng ahi uve. Hiho laha khat chu gollhang khangthah, lha thum tobang bep sepaia hung pang pan hi ahi. A khut le keng tan ngai ahi jeh chun ei kithopi ding nurse chun lhimna damdoi (anaesthetic) choiyin roomah ana lut masa in. Hijongleh hiche gollhang chun lhimna damdoi manga lhim ding chu a nom pon, doctor a mu nom thu chu a sei e. Ka ga lut chun, “Gollhang, ipi jeha lhim ding chu na da ham? Na kisuhkhahna maha hi a nasa val in, thisan tam tah na mansah kit in, na tahsa a lhasam lheh tai. Kilhim louvin kiat thei pon na te,” ka ti in. Ama chun, “ Doctor, kum 9 ka lhinin ka hinkho hi Pathen komah kana lhan doh tan, ama chu ka tahsan ahi. Ka khut le keng kitan laiyin jong hatna ei pe nan te,” ati tai. Ken jong, “Ahi leh ju themkhat beh don in,” ka ti kit in. Ama chun, “ Doctor kum 5 ka hi laiyin ka nu’n dilsu pumin ei koi in, ‘Charlie ju na don lou na dia ka tao ahi. Na pa chu ju don jeha thi ahi,’ tin eina hil in. Ven tun kum 17 mi ka hung hi tan, khatvei jong ju kana don kha pon, ju don sangin thi ding ka nom joi,” ati kit tan ahi.

Hiche lai hin Christian ho chu ka vetda lheh jeng in, chuti lai chun hiche gollhang chu guhthim in ka ngaisang lheh in ahi. Chaplain kimupi ding a nop leh nop lou chu ka dong in, mu ding chu ana nom in. Chomkhat jou chun Chaplain chu a hung in, “Charlie, na thi lou ding ahi, amavang hung thi kha ta le chun ipi bolpeh thei ka nei em?” a gah ti in. Charlie chun, “Ka lukhap nuoiya Bible neocha kaha hin ka nu address ka jep in, kanu komah ka tonsot mun jonin ka che tai ti eina seipeh in. Nikhat cha jong Bible sim lou leh ama dinga tao louvin ka um ngai poi ti jong ana hil in. Chuleh New York a Brooklyn Church Sands School a ka jilkungnu koma chun ei hilna leh thumop jouse chu ka hinkhoah ka phatchompi lheh e ti jong eina seipeh in,” ati tai.

Hiche jou chun ahung kihei in, “Doctor ka kiman tai, nei at tan, ka pen loubeh ding ahi,” ahin ti in. Keima joh chun ka ngaplel lheh in, ka ti kithing thim thim dana ka het jeh chun pindan langkhatah ka ga lut in, ju themkhat ka ga don tai.

Charlie tahsa ka at lai chun thipchetin a thoh in. A gu tanna ding gu atna ka gah lah lai chun a lukhapin a mai chu a tom in, olchaa a phun gin chu ka hen, “Aw Jesu, ka koma um jing in” tiin a taove. A kitepna bangin at sung chun khatvei jong a uh poh pon ahi.

Hiche jan chun ka imu lha thei ta poi. ‘Aw Jesu, ka komah um jing in’ ti gin chu ka nabengah a cham den tai. Jankim nung chun ka thou in, louin chu ka ga vil in; sepai macheng laha mi 16 a thi tah thu chu ei seipeh un. Charlie thi leh thi lou chu ka dong in, a thi lou thu leh nuom taha a imut thu chu ei hil uve. Ni nga jou chun Charlie chun ei hin kouvin, ka ga che phat chun, “Doctor, ka phat a kichai tai. Jing nisoh mu jou tapong e. Nei vetkolna jouse jalin ka kipah e. Juda mi na hi ka hen, Jesu Christa na tahsan poi ti jong ka he e. Amavang Jesu tahsan ho thi ding mel hi mu tei le chun ka nom e, ka koma hin um jing o,” ei hin ti tai. Hijongleh hi chu ka detthei loubeh thil ahi. Jesu hi ka thet lheh in, hitichun ka dalha tan ahi.

Office a ka tou laiyin Charlie chun ei hung kousah kit in, hijongleh ken jong “Ajo cha chun ka kimuto lhon tai” tiin ka nom poi. Ahinvang, ei koupa chun Charlie sei banga ei kou jing jeh chun ka che kit tai.

A room ka ga lut chun ana lhasam lheh jeng tai ti chu ka hethei e. Ka khut chu ahin tuh in, “Doctor, Juda mi na hi jehin ka ngaisang lheh e. Ka loi phapen chu Juda mi ahi!” ati in. Ken jong, “Koiham?” ka ti pai in. Ama chun, “Jesu Christa chu ahi. Ka khut le keng na tan lai jong chun Jesu Christa na tahsan theina din nang din ka tao taove,” ahin ti chu kidang ka sah in, ka lungdong lheh jeng e. Maha nasa tah pu puma a thohnatna jouse haimila ka lhagao dia ana tao chu kidang ka sah ahi.

Minute 10 bep jou chun lhamong selin a imu lha tan ahi. Sepai ja tam tah ka louin uvah ana thi tauvin, hijongleh koima lhanmuol lang chan chanah a luong ka jui ngai poi. Amavang hiche gollhang chu lhanmuol chanin a luong ka jui jeng tai.

Hiche gollhang thi ding kon thusei chun ka lungthim sung a lo dim tai. Ka haosa in, sum tam tah ka nei in, hijongleh ka hinkho a kipah thei pon, kum 10 tobang chu ka hinkho a subuoi lheh e. Hijongleh achai chaina’n Charlie taona chu donbutin ahung um tai. Ka hinkho pumpi chu Christa komah ka pelut in, Ama ka hin tahsan tai.

Christian ka hi apata kumkhat leh a keh tobang jou chun nilhah khat chu Brooklyn khopama Christian ho taokhomna khatah ka ga jao in, minu tehse lam thim khat hi ahung dingdoh in, hiti hin thu ahin sei tai…

Sopite ho, na lah uva ka thusei nukhah pen jong hi tan te ti ka gingcha e. Doctor in ka chuop a phat tahlou jehin ka damsot lou ding thu ei hil in, hijeh chun ka kipah lheh e. Chomkhat jouleh ka chapa Charlie toh vana ka kimuto lhon ding ahi tai. Charlie chu nam leh gama dia sepai ahi banah Christa dinga sepai ahi kit e. Gal ah a kisukha in maha nasa tah a thoh in, a khut leh keng kitan jouvin jong kipah tahin a um in, a thi ding kon kisanin jong ama vekol Juda doctor in Jesu Christa a tahsan theina din a taopeh e…”

Hiche thu ka jah phat chun ka kitim jou ta pon, ka touna apat chun ka lhaidoh in, mipi masanga chun ka lhai phei in, ka ga koi jeng tai. “Sopi nu, na chapa Charlie taona chu sanin aum tai. Charlie in a sei Juda doctor chu ka hi e; tun vang Jesu chu ka Huhhingpu leh ka Lengpa’n ka sang tan, Ama ka lhagao a chang tai,” ti pum chun ka kikoito lhon tan ahi. Pathen chu thangvah in um hen, Amen!

 

 

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

Create a website or blog at WordPress.com

Up ↑

%d bloggers like this: