JI NA MOH NEI KIGOT MASANG IN (Nungahho din… )

Na lungset leh na kingaipi tahte in a chu, jingseh janseha anneh khom ding na ngalel val jong hi maithei tan te. Hijongleh na, hin nekhom uvin na tin, na anme du pen pen leh na seichim theilou chu, a dumo pen u ana hin tin, na inkote koma na hop poh dah dah chu kiphatlam tahin gah gal so jol jol tan na te

Chuteng mou thah kihetna in kuong sop ding chu gah chu in na tin, a kit apat vang chun na chu khoh ngai tapon tin, na sop dinga hetsan koi tauvin tin; thase lheh jongle chun hin sop ging lah lah tan na te

An hin huon panin na tin, ‘thao hi ha man val ei sah uvin tem’ tiin amasaa na dei jat jat na sun lhah jeng jung ji chu hin hisap tan na te. “Ipi hi a du diuvem aw!” tiin na dei dan dana na huon mai mai ji chu a ‘style’ ding na ngaituo buoi khopset jouleh hin huon min tan na tin, dokhang chunga na neh khom lai u chun ‘chi chu a al mo na e, bu chu a nem/gum na e’ an ti khah tah u leh na lungthim chu heova kisun bang tan te

Na inkote koma na umlai vang chun na nop nopin kholai na leng in, na nop phat phat leh na kile jin, na jipate inah vang chun na, na chena dingho leh na vadohna ding jouse kicheh chet cheta na sei masat ngai tan tin, inkengte ina na ga len kom jongleh inlang bouseh na lungthimah um tan tin, jalen louna chun sunggilah na hin man tan te ❤️

Na ngaichat lam jong na na hetphah lou, a kom uva um na theichim jing, na kisen khum jinga na han khum jing jeng, na inkote chu hin ngai lheh tan na tin, a lah uva hapta khata khatvei beh an neh khompi chu ngahlel lhehin na tin, hijongleh ha taha na ngaituo nung jongleh hapta chu seilou lha thuma khatvei beh chu na neh khom nahlou diu ham, na? Hijong chu kiphatlam tah pumin “an ne din eihin kou uve” na ti ngai tan te 🙏

Chuteng tahle chun, gainou result hungsoh tan tin, luohso in nan bol pan in tin, buneh duchatna bei helin um in na tin, nehthei dang na duchat ho leh ‘special’ jep ho chula thum ngam beh pon na tin, na pa-u lah chun a tohdoh sanga a nehdoh a tam jeh chun na hin kiphatlampi thim kit tan te.

11077847_667989239979416_2591527916495036379_n

Chuteng chuleh natna kiti in a hilchet jou lou, kichatna toh kigom, naovei nat thoh khopsetin cha hin hing tan na tin, na damdoh masang pehin louin akonin hung potdoh in na tin, nang chet leh lel pum pumin naosen noi chep sah hung ngai tan te. Na pa-u chun nao pon ho chu gah sop chol chol jongleh jom sot deh pon tin, lungthima tao kut kut pumin nao eh leh a jun ho hin khel jing tan na te.

Hiche bouseh chu ana hi kit pon, na loiho jong hilou kholaileng hin nei jingin na tin, nao poh pumin anhuon leh cha siem hin kiseimopi tan na tin, nilhuma to ngam man louva na um jeh chun ‘jan hi lhung loi loi leh aw!’ tiin imut a kicholdo ding hin ngahlel lheh tan na te.

Chuteng chuleh na ha cha val jehin kongnat in nan pha tan tin, na jan mut jong chu kisuh hei kitou hei tho in na tin, hinlah phachuom deh kit pon te. Kongnat nei jing puma sangse tahin, lhong jut, an huon, puon sop, nao sil, nao an mop, nao oi, in suhtheng toh nan kop phatle vang chun ka nuom lheh tan na te. Na chasen jeha dam ham ham ding na ngaina geldoh jing pumin, hinkho hahsa tah chu aban ban chan hin ol het het tan na te…

Hijongleh, hiche hi Pathenin numeia na siem lona khat ahi jeh in, ka thuseiho hi kigottup nan nei jon lang, ka sei bang banga hahsa din vang gel lou jen in!!!

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

Create a website or blog at WordPress.com

Up ↑

%d bloggers like this: