JI NA MOH NEI GOT MASANG IN (Gollhangho din)

Na ngaitona chim set chu gah mangin lang, phalbi dap jeh leh jan imut theilou jeh mai mai in, miin kampol keng nei a tiu ochatna leh deichatna lungthim chu pilhin jeng ding na got masangin hiti ho hi gah ngaito masa tem in

Ka gollhang tan, kei bou ka he tia inkote tohdohsa jal-a car, bike, leh phone mantam tah tah na nei thei jeh chun nungah lheplhah ding vang mu thei lheh nan na tin, loi le golho jala kuva leh cigarette ngol khalou din jong nungah chu tam lheh nan te. Hijongleh jingleh kho hungvah kit ding ahi ti geldoh thei ho din chihthei angai lheh in. Ji ka nei ngam tai na ti phatle bou nei in ti hi ahi.

Ji na nei nunga a nuom bouseh lungthima na koi ahi leh dih thei sam pon te. Ji na nei teng cha na hin nei ding, insung na hin siem ding ahi in. Ipi na neh a ipi na don ding ham ti chan pha taha ngaito ngai ahi. Tua na insung luma a tui tui na neh na don a, na dei jouse na nei thei lai chun ngaitona phaten mang tem in. Na ji leh na cha dia na na toh ding chu na bol dia lom ahi ti na hin hetdoh teng kisih in na tin, hijongleh na kisih gol gol chun vaichatna in a hin jui pai ding ahi tai

Jingkah leh nisa sohdoh louvin go ju ju jeng ta jongleh neh ding na ngaito thou thou ngai in tin, nilhah a hunglhun teng an ne louvin imu thei deh pon na te, to a eh a potdoh ngai ahi. Dukanah ga che tem in, anchang bag khat Rs 2400 tobang hung hin tin, dal kg khat Rs 150 ana hi kit tan te. Metam bou chu du kit pon na tin, a kanna ding thao packet khat Rs 120 hung ngai kit in tin, in na lhun teng a huonna ding gas hung ngai kit in tin, na neh thei ahung suodoh tengle chun paisa tam tah ana sumang tan na te. Jingkah na hung kitho teng chasan bou chun nan sulip jou kit ta pon tin, chini kg khat toh a buon(g) theina din Taaza ngaicha kit tei in na te. Hiti ho jouse hi na neh leh don bouseh ahi nalai in, na sil le chen a jao nai pon ahi.

11295678_687457688032571_7142844868759793072_n

Na jinu leh na inkote na ngailut dan thilpeh manga vetsah ding chu sei lou, nangma kivekol jou ham ham chun ahtui plate khata pum 30 leh cheng Rs 180 man na inko kei uva na neh thei u chu, a mai noina leh a sam suhjangna man lhom pen sanga jong man lhom hi jongleh… ahtui jeng jong mupha tapon na tin. A mai bouseh-ah na hapta khat lodoh kichai in tin, a sam-a na nikho thaman hop lia hop khat a man chai a, a khut leh a ten hoa noi ding leh a namtui tui jouse chutoh, achai chaina tengle vang kinah leh kihouset bou chu na maban hung hi tan te.

Ji nan nei tengle vang chun janseh in a komah imu tei in na te. Hijongleh jong thing kikah a kijep bangin jankhovah keiin la buoi jou deh pon na tin, midang tobang na hileh a op nem jo chunga chu na tou jing ding ginchat aum e. Janseh pontho nuoiya na vaikonna chu na jinu oipoh ah hung kilangdoh tei in tin, phunset leh a penpi jong hi lou, muh soi leh muh boh kitiho chu hin he tan na te

Na lungsetna chu a poh in hung pohdoh cheh cheh tan tin… Chujou teng cha hin nei lhonin na tin, veisetna jat chuom chuom chutoh lou-in che jing hung ngai tan te. Anu tha lhahsam jeha lupna chunga imu jingin a poh theilou naosen damlou nan poh a, muthim nuoiya mombati kichai kon kidet a, himo sa saa naosen nan oi le le phat a hunglhun tengle vang chun, lungsetna jong chu hing gingmo cheh cheh tan na te. Hijeh chun, ‘tun vang chom jou mong mong tang e’ tia na kigottup phatle bou ji nei tem in.
❤️

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

Create a website or blog at WordPress.com

Up ↑

%d bloggers like this: