HINKHONOM MANG

Thusim semthu, mi jousen kidang tah maia a tahsan jing khat chu – Midang jouse chu a kipah in, nuom a sa uvin; nang vang chu na genthei chuom e. Midangho chu thanom tahin kholai a leng uvin, hinkhonom a mang uvin; nang vang chu na changsehin lunghel tahin na kithep le le e.

Tun, hiche thusim hi gah kholchen tem ute.

Mihem a tam jo hi nangma dinmun tobang leh a sanga hahsa jo mang jong tam tah um maithei ahi. Mi tam tah hinkhonom manga na gel ho hi? A tam jo chu ama changa um ngam louho ahi nom ji e, hiche hi a phamo e tina vang hi louvin. Hijeh chun a vahdoh uvin, a tuo masat pen chu a kiloipi in, hinkho nom tah mang banga khosa ham ham ahi ji uve. Chutobang hinkho chu nangin jong na man thei tina ahi.

Thuguh khat kit chu, mi kipah tah banga um ho hi i mu dan bang bang hi ana hi ji poi. A buoina nasa tah tahho lekhuna/selna dinga kipah tah banga kilang ham ham ana hi nom ji uve. Hinlah, nangin iti na mu ji em? Mi kipah thei tah na mu in, kipapi sangin a chungah na lhaset lo jin; na lungthimin sapset na kichan in, nang le nang genthei na kisah in, koima’n la a hin hepha kit deh poi. Chuteng na kingaito in, “Hi bang ka phat phat hi toh o! Ipi jeha midangin ka phatna lai a mudoh theilou hin tem?” tiin na kigel gel ji e.

Hijeh chun hiche hi he jing tem in – midangin na phatna lai a hin mudoh thei louna jeh chu, amaho leh amaho a kibuoipi joh jeh u ahi! Nangma a hin khohsah lou u ahi pon, amaho bouseh jong a kibuoipi khop set jeh u ahi.

Hinkho hi Pathenin hangsan taha mang leh hinpi dinga ei peh u ahi. I hinkho chu eini bouvin a umje i pe thei in, koima dangin a umje a vetsah thei pon, chuleh midang chunga lhase thei i hi poi. Hijeh chun, koima dang otcha louvin; amavang, chingthei leh Pathen ging jing pumin hinkhonom leh manlu chu mang jing tem in!

 

16681547_1085557251555944_6531067920495236027_n

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

Create a website or blog at WordPress.com

Up ↑

%d bloggers like this: