DIH LEH GIL : HINKHO

1.Hinkhoa hin thih khaova kihen banga i kigel kom aum jin, hinlah chuche thih khao kikamna chabi chu i koi lam ana kihe ji poi.

16807305_1086491088129227_2830718661652685484_n

2.Hahsatna ho hi hinkhoa i tuo ding mong hi jongleh chuho jeha lungkham leh lungdonga i um ji chun hahsatna chunga hahsatna son ei leh ei kibelap cheh ana hi e. Hijeh chun lungdong jeng louva, a suhlhap dan kijil jing ding joh ngaito tem in.

3.Lolhinna gomkom hi mi tam tahin i hai ji uve. A jeh chu natohna von a kiah ji jehin thil hahsa tah hi tei din i ngaito ji uve.

4.Nopsahna kiti hi kivonna hoi sil sel hijongleh jaum tah hi kit lou tobang hi ahi. Kiah jing thei ahi poi.

5.Hinkho thuguh khat chu, kipah leh thanom taha na tu phat man ding chu ahi. A sanga pha ni dang leh phat dang ngah vaigei hih in.

6.Leiseta hi phat chomkhat sung bou na chen ding ahi, midang umchan leh khosah dan bangin na phat sumang hih in! Na hina bang bangin um in.

7.Hat taha che ding na nop leh na changin che in lang; amavang, gamlha tah lhun ding na nop leh midang lhonpi nei in.

8.Kum som masanga na thil mudan leh tunia na mudan a kibah jing nahlai thei leh kum som jen machalna nei louva na suhmang tina jong hi thei ahi.

9.Tu apat kum nga jouva na hinkho mandan ding na gelphah lou leh a tol um louva gari lhai tobang na hi.

10.Thil suhkhel ding tija jing jengin na phat sumang hih in. Thil dih leh pha bolna din vang na nitin hinkho mang jing in.

11.Na hina lou beha mi kipapi na chan sangin na hina bang banga mi vetda na chan chu a pha jon ahi. Miphalem hi hih in tina.

12.Khatvei bou hi leiseta hi na len ding, chu jou teng thina lhankhuh na jot ding ahi tai. Amavang, hinkho lampi dih na jot leh khatvei chu a lhingset e.

 

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

Create a website or blog at WordPress.com

Up ↑

%d bloggers like this: